រូបភាពបរទេស
.
ការ រញ្ជួយដីខ្លាំងមួយមានកំលាំង៧រីស្ទ័រ កើតមានកាលពីថ្ងៃទី១២ មករា នៅប្រទេស ហៃទី នៅកន្លែងមួយចម្ងាយត្រឹមតែ១៥គីឡូ ម៉ែត្រប៉ុណ្ណោះ ខាងលិចរដ្ឋធានីព័រអូប្រាំង ។ នេះជាគ្រោះមហន្ដរាយយ៉ាងធ្ងន់ធ្ងរមួយក្នុង ប្រទេសដ៏ក្រីក្របំផុតនោះ នៅទ្វីបអាមេរិក ដែលចំនួនអ្នកស្លាប់អាចមានដល់ជាច្រើន រយនាក់ ។ប៉ុន្មានម៉ោងក្រោយការរញ្ជួយដីខ្លាំងដែល កើតមាននាវេលាម៉ោង១៦និង៥៣នាទី ម៉ោងក្នុងស្រុក រាល់គមនាគមន៍ត្រូវកាត់ផ្ដាច់ ស្ទើរទាំងស្រុង ជាមួយប្រទេសដែនកោះនៅ តំបន់ការ៉ាអ៊ីបនោះដែលមានប្រជាជន៩លាន នាក់ ក្នុងនោះ២លាននាក់រស់នៅក្នុងទីក្រុង ព័រអូប្រាំង ។
នៅពុំទាន់មានសេចក្ដីរាយ ការណ៍ពីចំនួនអ្នកស្លាប់នៅឡើយ ។ យោង តាមអ្នកកាសែតដែលមានវត្ដមាននៅទីនោះ និយាយថា អ្នកស្លាប់អាចមានជាច្រើនរយ នាក់ ពេលគេអាចធ្វើតុល្យការ ។ ការរញ្ជួយ ខ្លាំងមានរយៈពេលដល់ទៅជាងមួយនាទី រហូតដល់ធ្វើឱ្យរថយន្ដទាំងឡាយដែលកំពុង រត់លោតលើដងវិថី ។ មនុស្សជាច្រើននាក់ បានរត់មកកាន់ដងវិថីទាំងឡាយក្រោយការ រញ្ជួយដី ។ ភាគកណ្ដាលទីក្រុងព័រអូប្រាំង ត្រូវបំផ្លាញដែលនោះជាគ្រោះមហន្ដរាយដ៏ ពិតប្រាកដមួយ ។ មនុស្សជាច្រើននាក់នៅ ជាប់ក្រោមគំនរបាក់បែក ។ អគារទីស្នាក់ ការធំរបស់បេសកកម្ម អ.ស.ប ប្រចាំប្រទេស ហៃទីត្រូវបាក់អស់មួយផ្នែកធំ ហើយមាន មនុស្សច្រើននាក់ជាប់ក្រោមគំនរបាក់បែក ។ មានអ្នកស្លាប់ និងអ្នករបួសជាច្រើននាក់ ។ និយោជិត អ.ស.ប ជាច្រើននាក់ក៏បាត់ខ្លួន ដែរ ។
អ្នកកាសែតម្នាក់នៃទូរទស្សន៍ហៃទី ដែលផ្ដល់ព័ត៌មានចាប់បានតាមអ៊ីធើរណេត នៅក្រុងវ៉ាស៊ីនតោនរាយការណ៍ពីអគារ សាធារណៈជាច្រើននៃរដ្ឋធានីត្រូវបាក់ ក្នុង នោះមានវិមានប្រធានាធិបតី វិមានសភា ជាតិ ក្រសួងហិរញវត្ថុ ក្រសួងសាធារណការ ក្រសួងគមនាគមន៍ និងវប្បធម៌ វិមានតុលា ការ សាលារៀនជាន់ខ្ពស់ ។ ឯកអគ្គរដ្ឋទូត ហៃទីប្រចាំប្រទេសម៉ិចស៊ិកអះអាងកាលពី ថ្ងៃទី១៣ មករា ថា ប្រធានាធិបតីហៃទី លោករីណេប្រេវ៉ាល់ គេចផុតពីគ្រោះថ្នាក់ ។ នេះជាការរញ្ជួយដីយ៉ាងខ្លាំងបំផុតពុំធ្លាប់មាននៅហៃទី ចាប់ពីតាំងពី២០០ឆ្នាំមកហើយ ដោយញ័ររង្គើរដល់ហ្គង់តាណាម៉ូ ស្ថិតនៅ ចម្ងាយប្រមាណជា៣០០គីឡូម៉ែត្រ ពីរដ្ឋធានី ហៃទី ៕
២០០នាក់អាចកប់ក្រោមសណ្ឋាគារ មួយ
រដ្ឋលេខាធិការក្រសួងកិច្ចសហប្រតិបត្ដិ ការបារាំង លោកអាឡាំង ហ្សូយ៉ាន ដេត ថ្លែងថា មនុស្ស២០០នាក់អាចបាត់ខ្លួននៅ ក្រោមគំនរបាក់បែកនៃសណ្ឋាគារធំមួយនៅ ព័រអូប្រាំង គឺសណ្ឋាគារម៉ុងតាណា ដែល សណ្ឋាគារនោះស្ថិតនៅជិតទីស្នាក់ការធំ អ.ស.ប ប្រចាំហៃទី ។ ជនជាតិបារាំង៦០ នាក់ភៀសខ្លួនចេញពីស្ថានទូតបារាំង ដែលរង ការប៉ះពាល់ដោយការរញ្ជួយដី ។ និវេសន ដ្ឋានរបស់ឯកអគ្គរដ្ឋទូតបារាំងក៏រងការខូច ខាត ។ មានជនជាតិបារាំង១.៤០០នាក់ រស់ នៅហៃទី ក្នុងនោះ១.២០០នាក់ រស់នៅក្រុង ព័រអូប្រាំង ។ សាកសពមនុស្សជាច្រើននៅរាយប៉ាយ តាមចិញ្ចើមថ្នល់ ហើយមានពួកមនុស្សដើរ ប្រមូលយករបស់របរផ្សេងៗ ពិសេសក្នុង ផ្សារទំនើបនាភាគខាងជើងរដ្ឋធានី។ ចំណែក និស្សិតជាច្រើននាក់នៃសាកលវិទ្យាល័យឯក ជនមួួយនៅក្រុងព័រអូប្រាំង ត្រូវជាប់ក្រោម គំនរបាក់បែក ។ ពលករមនុស្សធម៌ម្នាក់មាន វត្ដមានក្នុងទីក្រុងនោះរៀបរាប់ពីសភាព ការណ៍យ៉ាងច្របូកច្របល់បំផុត និងថា អ្នក ស្លាប់អាចមានដល់ច្រើនពាន់នាក់៕
No comments:
Post a Comment